『聽咗=賺咗』
全世界嘅發達城市都有住屋問題,無論系兔子居抑或窩居,不斷喺各地城市繁衍,住得細地方順理成章咩都要慳位,喺屋企擺放一套音響簡直系奢侈行為,喺咁嘅生活條件底下成長,年輕人多數用手機上網聽歌,識得用部DAP 加多對有啲質素嘅耳機已經算系進階玩法,對佢哋嚟講CD機系阿爸先會用嘅老爺音響,依家聽歌梗系帶住耳機聽 KKBox、 Tidal、 Moov ,所謂嘅網上無損串流,好成功咁令用家聽到比mp3 更好嘅聲音,重點系唔使 keep碟喺屋企,慳位兼慳錢,一張碟嘅價錢可以換嚟兩至三個月串流音樂服務,遇正做 promo仲送多個月添 ! 無論潮流點變都好,CD就系 CD , 黑膠亦永遠都系黑膠,兩者都系有佢生存空間,亦因為有音樂載體,音響器材先能夠顯出價值,如果你覺得買實體碟呢嗰動作好 Old School ,更唔明白 Hi End 音響有咩價值,咁不如買張飛入嚟【香港高級視聽展】,聽嚇一套正統音響播歌系咩效果,你可以放心去每間展房聽每套器材,音響呢樣嘢,你今日無,聽日可能會有,即使屋企無位容納擴音機同喇叭都無所謂,聽完起碼會知道音響系咩一回事,下次同朋友講起呢個話題,唔會再引用返十幾年前嘅電影對白,音響技術同器材每日都有進步,點會凈系得膽機同喇叭咁簡單呢 ?

LINE it!
分享至google+
╰( ◕ ᗜ ◕ )╯ 快點加入POP微博粉絲團!
回頁頂